වාස්තවිකත්වයට එරහිව නලින් ද සිල්වා සිය ප්‍රබලතම ශාස්ත්‍රීය අවිය ලෙස යොදා ගනුලබන්නේ, වාස්තවිකත්වය මනසින් ස්වායත්තව ඔප්පු කර පෙන්වන්න, යන අභියෝගයයි. මෙහිදී, එසේ කිරීමට නොහැකි වීම තුල වාස්තවිකත්වයක් නැතැයි යන්න ඔප්පුවේයැයි, ඔහුගේ නිගමනයයි. නමුත් එලෙස එම නිගමනයට එළඹීම, චතුෂ්කෝටික තර්ක ක්‍රමය පිළිගන්නා නලින් ද සිල්වාගේම දර්ශනයට, අදාලව විසංවාදී වෙයි. මන්ද එලෙස එම නිගමනයට එළඹීම ද්විකෝටික තර්කන ක්‍රියාවලියක් වන බැවිනි. නලින් ද සිල්වාට, ඔහුගේ අභියෝගයට අදාලව චතුෂ්කෝටික තර්කනය යෙදු විට එක විට "ඇත" හැරුණු විට "නැත" පමණක් නොව, "ඇත-නැත" අවස්ථාවක් සහ "ඇත්තේද නැත-නැත්තේද නැත" අවස්ථාවක් වලංගු වන බව එක්කෝ ඔහුට අමතක වී ඇත. නැත්නම් ඔහු දැන් පිළිගන්නේ ද්විකෝටිකය විය හැක. ඒ පිලිබඳ අපි නොදනිමු. කෙසේ වුවද අපට නම් මෙය නලින් ද සිල්වාගේ මහා විසංවාදයයි.
-ප්‍රගාමී ව්‍යාපාරය
No comments:
Post a Comment