දෝෂාභියෝගය මාක්ස්වාදී අර්ථයෙන්.

අගවිනිසුරුවරිය ඉවත් කිරීමේ නියෝගයට මහින්ද රාජපක්ෂ ජනාධිපතිවරයා ඊයේ අත්සන් තබන ලද බව මාධ්‍ය මගින් කියැවුනි. එක් පන්තියක් අභිබවා වෙනත් පන්තියක පාලනය පවත්වා ගැනීම පිණිස වන යන්ත්‍රයක් වන රාජ්‍ය තුල, එය නියෝජනය කරන්නා වූ පාර්ශවයන් දෙකක් අතරම ප්‍රතිවිරෝධීතාවයක් ඇති වීම අප විසින් මාක්ස්වාදී අර්ථයෙන් විග්‍රහ කරගත යුත්තේ කෙසේද?

මහින්ද රාජපක්ෂ ප්‍රමුක රජයත් ශිරානි බණ්ඩාරනායකත්, පීඩිතයන් මර්ධනය කරන, පීඩකයන්ගේ දේපොළ ආරක්ෂා කරන ඒ හරහා සූරා කෑම සහතික කරන රාජ්‍ය නියෝජනය කරයි. නමුත් අද වන විට එකම ක්‍රියාදාමයක ආකාර දෙකකින් යෙදී සිටි එම දෙපාර්ශවයේ සබඳතාව අර්බුධයට ගොස් ඇත.

 මහින්ද රාජපක්ෂ ප්‍රමුක වර්තමාන රජය ධනපති රජයකි. එබැවින් එම ආණ්ඩුවේ සිටින ජනාධිපතිවරයාගේ සිට නගර සභා ප්‍රාදේශීය සභා මන්ත්‍රීවරයා දක්වා එක්කෝ ධනපතියන් නැත්නම් ධනපතියන්ගේ ඍජු නියෝජිතයන්ය. ශිරාණි බණ්ඩාරනායකද ධනපති අවශ්‍යතාව උදෙසා කටයුතු කරන ධනපති නියෝජිතයෙක් වුවද ධනපති පන්තිය ඍජුවම නියෝජනය කරන්නේ විධයකය ප්‍රමුඛ ව්‍යවස්ථාදායකයි. එබැවින් තීරණ ගැනීමේදී ප්‍රමුඛතාව හිමි වන්නේ ඔවුනටයි.

දෝෂාභියෝගයට නිමිත්ත හටගන්නේ එම ප්‍රමුඛතාව ශිරානී බණ්ඩාරනායක උල්ලංගනය කිරීමත් සමගය.

එම නිසා අප විසින් මෙම දෝෂාභියෝගය මූලිකවම හදුනාගත යුත්තේ රජය යනු ධනපති පන්තියේ වුවමනාවන් වෙනුවෙන් ඇති යන්ත්‍රයකි යන්නට නිදසුනක් ලෙසය.

නමුත් මේ හරහා පරමාදර්ශී සමාජයක් ගොඩනැගීම යන කාරණයට බලපෑමක් වේයැයි යමෙකු පැවසුවහොත්  එහි සත්‍ය තාවයක් නැත්තේම නොවේ. ඒ, මේ තුල පරමාදර්ශී සමාජයක් බිහිකිරීමට බීජ පැල කල හැකි සරු පසක් වන ප්‍රජාතන්ත්‍රවාදයේ පැවැත්මට වන හානිය නිසාය.

-ප්‍රගාමී ව්‍යාපාරය

මාක්ස්වාදයට ආධුනිකයන් සඳහා "ප්‍රාග්ධනය"(4) - අධි නිෂ්පාදනය (over production)

තවද හුවමාරු වටිනාකම විසින් භාවිත වටිනාකම ගිලදමනු ලබන තවත් ප්‍රකට උදාහරණයකි, අධි නිෂ්පාදනය. කලින් කලට ව්‍යාපාරයෙහිදී පාරිභෝගික භාණ්ඩ වල අතිරික්තය(excess) ලෙස සැලකෙන දෙය නිෂ්පාදනයෙහි ප්‍රතිපලයක් ලෙස ඇති වේ. එහි ප්‍රතිපලය නම් මිල හා ලාභය පහත වැටීමයි - ධනපතීන්ගේ මාරක කෝපයට හේතුව මෙය වේ. වෙළඳපොළ මෙය “අධිකත්වයට පත්වන ලද(glutted)” ලෙස හඳුන්වයි. තත්ත්වය ආපසු හැරවීමට ව්‍යාපාරය හිතාමතාම, මහත් උද්දාමයෙන් තම නිෂ්පාදනයෙහි කොටසක් විනාශ කර දමයි. මන්ද, සරලවම මිල හා ලාභය ඉහළ නංවාගැනීමටයි.  මෙහිදී මිනිසුන්ගේ නිවාස, වෛද්‍යය හා ආහාර පහසුකම් වල හිඟය කිසි ලෙසකින්වත් නොසැලකේ. ව්‍යාපාරයෙහි ලාභය නැමති පදනම මතම පිහිටා ගත් කළ වෙළඳපොල අධිකත්වය(glut) යනු ව්‍යසනයකි. එයින් මිදිය යුතුය. කිසිම ලෙසකින් හෝ ජනතාව අතර නොමිලයේ බෙදා දීමකින් නොව, විනාශ කර දැමීමෙනි.

1930 දී ඇතිවූ මහා වෙළඳ පරිහානියේදී (http://en.wikipedia.org/wiki/Great_Depression බලන්න - පරිවර්තක) සිදුවූයේද මෙයයි. ඌරන්ගේ සහ කිරිවල නිෂ්පාදන අතිරික්තය මිල පහත වැටීමට හේතු වෙමින්, කෘෂි ව්‍යාපාරයට මහත් බරක් විය. ප්‍රතිපලය ලෙස, බෙහෝ දෙනා නිරාහරව සිටිද්දී, ලාභය සුරක්ෂිත කර ගැනීම උදෙසා, මහපරිමාණයෙන් ඌරන් මරාදැමුණි, කිරි විනාශ කර දැමුණි. ලාභය ඉහළ නැංවීමට සැපයුම් පහත දැමේ. ස්වභාවයෙන්ම නිෂ්පාදන කප්පාදු කෙරේ.

උදාහරණයක් ලෙස එක්සත් රාජධානියේ මුළු නිෂ්පාදන ධාරිතාවයෙන් යන්තමින් භාවිතයට ගැනෙන්නේ 70%ක් පමණී. බොහොමයක් නිෂ්පාදන උපකරණ, මිලියන ගණනින් රැකියා විරහිත ශ්‍රමිකයන් නිකන්ම සිටී. අපට පෙනී යන පරිදි නිෂ්පාදන සහමුලින්ම හුවමාරු හැකියාවට පවරාදීමට ධනවාදයට අවශ්‍යය. ව්‍යාපාරය  ස්ථාපනය කරන්නේ අධිමිලකි. එය වස්තුව කුමක්ද යන්න මත නොවන අතර වටිනාකම කුමක්ද යන්න මතය. 

-ප්‍රගාමී ව්‍යාපාරය 

සුළු ධනපතීන්ගේ විමුක්තියේ සැබෑ මග

පසුගියදා පාරිභෝගික කටයුතු අධිකාරිය විසින් ප්‍රකාශයට පත් කෙරුණු ආකාරයට මෙතෙක් කල් සුළු ධනපති බෙහෙත් වෙළඳුන් විසින් සිදු කල, බෙහෙත් වල සිල්ලර මිල ලකුණු කිරීම එම වෙළදුන්ට අහිමි වේ. මින් පසු එය සිදු කල යුත්තේ බෙහෙත් ආනයනය කරන හෝ නිෂ්පාදනය කරන ධනපති ව්‍යාපාරිකයන්ය.

මෙම පියවර හරහා පාරිභෝගිකයන්ට යම් වාසිදායක තත්වයක් උදා වේයැයි කිවහොත් එහි යම් සත්‍යතාවක් නැත්තේම නොවේ. නමුත් මෙහිදී අවධානය යොමු කලයුතු දේශපාලනිකව වැදගත් වෙනත් පැතිකඩක් තිබේ.       එනම් මේ හරහා සුළු ධනපතින් වන බෙහෙත් වෙළදුන්ට සිදුවන බලපෑමයි.

මෙම සිදුවීම හරහා පැහැදිලි වන්නේ සුළු ධනපතීන්ගේ විමුක්තියේ දිශාව ධනපති පන්තිය දෙසට යොමු වී නැති බවයි. මන්ද සුළු ධනපතීන් විශාල ධනපතීන් හා කරන තරගයේදී පරාජයට පත්වන බැවිනි.මේ සම්බන්ධයෙන් කොමියුනිස්ට් ප්‍රකාශනය තුල කාල් මාක්ස් හා ෆෙඩ්රික් එංගල්ස් ප්‍රකාශ කර ඇත්තේ පහත පරිදිය.

"මධ්‍යම පන්තියේ පහල තට්ටු වන කුඩා කර්මාන්ත හිමියෝද, සුළු වෙළෙන්දෝද, සුළු පොලී කරුවෝද හස්ත කර්මාන්ත කරුවෝ සහ ගොවියෝද යන මේ කොටස් නිර්ධන පන්තිය දක්වා පහත වැටෙති අඩ වශයෙන් මෙසේ වීමට එක හේතුවක් නම් විශාල කම්හලක් පටන් ගැනීමට තරම් ඔවුන්ගේ කුඩා ප්‍රාග්ධනය ප්‍රමාණවත් නොවීමය, එමෙන්ම ඔවුන් විශාල ධනපතින් සමග කරන තරගයේදී  පරාජයට පත්වීමයි. අනෙක් හේතුවනම් නවීනතම නිෂ්පාදන ක්‍රම විධි ඔවුන්ගේ ශිල්පමය දක්ෂතාවය නොවටින දෙයක් බවට පත් කරනු ලැබීමය. මේ ලෙස ජනගහනයේ සියලු පන්තීන්ගෙන් නිර්ධන පන්තියට පුද්ගලයන් බඳවා ගනු ලැබේ"

ඉහත සිදුවීම තුලදී ආර්ථික ආධිපත්‍ය හිමි පන්තිය වන ධනපති පන්තියේ වුවමනාවන් වෙනුවෙන් රජය පෙනී සිටින අතර එය සුළු ධනපතීන් හා ධනපතීන් අතර තරගයේ ජයග්‍රහණය ධනපති පන්තියට ලබාදීම සඳහා කටයුතු කරයි. එම නිසා බෙහෙත් අලවි කරන්නා කිසිදු දිනක බෙහෙත් නිෂ්පාදකයෙකු/ආනයනය කරන්නෙකු  තෙක් උසස් නොවී තරගයට මුහුණ දිය නොහැකිව නිර්ධන පන්තියට ඇද වැටේ.

එම නිසා සුළු ධනපතීන්, ධනපතීන් බවට පත්වී ස්වකීය විමුක්තියක් ලබා ගැනීමක් ගැන සිතීම සිහිනයක් පමණක් බව තේරුම් ගත යුතුය. එමෙන්ම තමන්ට සැබෑ විමුක්තියක් ලැබිය හැක්කේ සමාජවාදී හා කොමියුනිස්ට් සමාජයන් යථාර්තයක් බවට පත් කිරීම හරහා පමණක් බවද තේරුම් ගත යුතුව ඇත.

-ප්‍රගාමී ව්‍යාපාරය  

මාක්ස්වාදයට ආධුනිකයන් සඳහා "ප්‍රාග්ධනය"(3) -භාවිත වටිනාකමෙහි පරාරෝපණය(alienation)

(“භාවිත වටිනාකම යනු අපෙන් පරිබාහිරව පවතින, අපි අවශ්‍ය ලෙස, ප්‍රයෝජනවත් ලෙස, නෙත්කළු ලෙස දකින, ඕනෑම දෙයකි.”-පරිච්ඡේදය 1- වෙළද භාණ්ඩ. පරාරෝපණය යන වචනය ඔබට පැටළිලි සහගත විය හැකිය. එය නොසලකමින් පරිච්ඡේදය කියවා එමගින් අදහස වටහාගන්න-පරිවර්තක)

ධනවාදී නිෂ්පාදනය පූර්ණලෙස අවබෝධ කරගැනීමට නම්, ඉහත කාරණා සියල්ල වටහාගත යුතුය, එනම් වෙළඳ භාණ්ඩයක දෙබිඩි ජීවිතය සාමකාමී හෝ සහයෝගී නොවන බවය. වටිනාකම සහ භාවිත වටිනාකම ප්‍රතිපක්ෂ ලෙස ඝට්ටනය වේ. ධනවාදයේ ලාභය සොයා යාම - සදාකාලිකව විශාලවන මුදල් වටිනාකම් ගොන්න- ආහාර, වාසස්ථාන සහ අනෙකුත් භාවිත වටිනාකම් සඳහා වන මානව රුචිකත්වයන් සමඟ පූර්ණව ඝට්ටනය වේ.

අප දැන් කතාකරන්නේ නිෂ්පදන භාණ්ඩය ප්‍රයෝජනවත් වස්තුවක් ලෙස - භාවිත වටිනාකමක් ලෙස එහි අයුතු පරිහරණයේ - විකෘතිය, මැඩලීම සහ අපහරණය පිළිඹඳවය. නිෂ්පාදන භාණ්ඩය වටිනාකමක් ලෙස සැලකෙන තරමටම එය භාවිත වටිනාකමක් ලෙස පරාරෝපණය කරනු ලැබ ඇත.

යම් වෙළඳ භාණ්ඩයක් යමෙක් මිලදී ගැනීමට නම් එය ප්‍රයෝජනවත් විය යුතු හෝ ප්‍රයෝජනවත් ලෙස පෙනෙන්නෙට තිබිය යුතුය. නමුත් ප්‍රයෝජනවත් භාවය යනු එහි වාදයට බඳුන් වන ප්‍රධාන කාරණාව නොවේ. නිෂ්පාදනය පරිහරණය සඳහා අලෙවි කරන්නක් විය යුතුය.විකිණීම(sale) යනු භාවිතය සඳහා අවශ්‍ය, සහ අත්හළ නොහැකි පූර්ව අවශ්‍යතාවයකි. හුවමාරුවෙන් තොරව එහි ප්‍රයෝජනයක් තිබිය නොහැකිය. වෙළඳ භාණ්ඩයක් එහි හුවමාරු හැකියාව ඔප්පු කිරීමට අසමත් නම් එහි ප්‍රයෝජනයත් අවලංගු වී යයි.මේ අයුරින් “පිටස්තර” හුවමාරුව “ස්වභාවික” ප්‍රයෝජනය යටකර දමයි.

උදාහරණයක් ලෙස පාන් රාත්තලක් සලකමු. එහි ප්‍රයෝජනවත් භාවය සම්පූර්ණයෙන් සඟවා ගනිමින් එය වෙළඳ සැලක තිබේ. ආහාරයට ගත හැකි ලෙස පරිපූර්ණ වුවද, ආහරයක් වීමට ප්‍රථම එය එහි හුවමාරු වටිනාකම ඔප්පු කළ යුතුය. යමෙක් එය මිල දී නොගනී නම් එය රාක්කය මතම පුස් කා දිරාපත් වී යයි -මිනිසුන් නිරාහාරව සිටියදී පවා. සෑම පාරිභෝගික හාණ්ඩයක් සඳහාම මෙය සත්‍ය වේ: අලෙවි නොවේද, ප්‍රයෝජනයක්ද නොවේ (NO SALE, NO USE). මෙය පෞද්ගලික දේපලෙහි මූලධර්මයකි. පාරිභෝගික භාණ්ඩ බෙදා දීමට සාදා නැත. ධනපතීහු වැඩකරන්නන් හා බෙදා නොගනිති.

හුවමාරුව සඳහා වන නිෂ්පාදනයන්හි ප්‍රතිපලයක් වන භාවිත වටිනාකමෙහි විකෘතියට තවත් උදාහරණයකි, නිෂ්පාදනයට හානි පැමිණවීම(නිෂ්පාදකයා විසින්, හිතා මතා(sabotage)). ව්‍යාපාරය නිෂ්පාදනවල ගුණාත්මක භාවය සැලකිල්ලට ගන්නේ අලෙවිය යන ස්ථාවරය මත පමණී. අලෙවියට බලනොපායි නම් ව්‍යාපාරය කම්කරුවාට, ආරක්ෂක පූර්වෝපායන්ට, අමුද්‍රව්‍යයන්ට ලෝභ වී, ඉතාම සතුටින් පිරිවැය කපාහරී(cut costs) - ප්‍රයෝජනයක් නැති, අවදානම් සහගත, මරාන්තික නිෂ්පාදන පවාකරමින්.

-ප්‍රගාමී ව්‍යාපාරය