පරමාදර්ශී සමාජයක් ගොඩනැගීමේ ක්‍රියාවලියක නියුතු මාක්ස්වාදී ව්‍යාපාරයක, රජය සම්බන්ධ න්‍යායික ස්ථාවරය, වර්තමානය වන විට එම ව්‍යාපාරය නියුතු පරමාදර්ශී සමාජයක් ගොඩනැගීමේ ක්‍රියාවලිය තුල ප්‍රමුඛ භූමිකාවක් හිමිකර ගන්නේ, මාක්ස්වාදී ව්‍යාපාරයන්හී රජය සම්බන්ධ ස්ථාවරය පිලිබඳ වැරදි අඳුරු චිත්‍රයන්, අතීත මාක්ස්වාදී ව්‍යාපාර වල න්‍යායික පීලීපැනීම්, මාක්ස්වාදී න්‍යායික ස්ථාවරයන් සහ න්‍යායික ක්‍රියාකාරීත්වයේ ප්‍රතිඵලයන් ලෙස අර්ථනිරූපනය කරමින්, එම අර්ථ නිරූපනයන් සමාජ ගත කිරීමට සිදුකල දැවැන්ත ප්‍රවර්ධන ක්‍රියාකාරීත්වය හරහා ධනපති පාලනයන් විසින් කම්කරු පන්තියේ සාමාජිකයන්ගේ විඥානය තුල නිර්මාණය කර, ඒ හරහා පරමාදර්ශී සමාජයක් ගොඩනගන ක්‍රියාවලිය ආපසු හරවමින්, අඩපන කරමින් ඇති නිසාවෙනුත්, ඒ හැරුණු විට පරමාදර්ශී සමාජයක් ගොඩනැගීමේ ක්‍රියාවලියෙහි අනාගත සාක්ෂාත් කරගැනීම් පිලිබඳ, එම ක්‍රියාවලියෙහි නියුතු මාක්ස්වාදී ව්‍යාපාරය තුල සිටින විප්ලවීය සගයන්ගේ සවිඥානික බව ඇතිකර ගැනීමේ ඇති අවශ්‍යතාව නිසාවෙනුත් (මේ තුල ව්‍යාපාරය අවස්ථාවාදී පීලීපැනීම් වලට ගොදුරු වීමට ඇති ඉඩ ඇහිරීමක් සිදුවීම මෙහි ප්‍රමුඛ, ප්‍රගතිශීලී ප්‍රතිඵලය බවට පත්වේ.) සහ ශ්‍රී ලංකාව සැලකීමේදී මෙරට සිදුවන සිදුවීම් පදනම් කරගෙන මාක්ස්වාදී න්‍යායන් අනුභූතිකව සත්‍යෙක්ෂණය(verification) කර ගැනීමේ හැකියාව මාක්ස්වාදීන් වන සහ නොවන සියලු ලාංකීය සහෘදයන්ට(මාක්ස්වාදී වන සහෘදයන්ට මාක්ස්වාදී න්‍යාය පිලිබඳ විශ්වාසය වැඩිකර ගැනීමටත් මාක්ස්වාදී නොවන සහෘදයන්ට මාක්ස්වාදී න්‍යාය පිලිබඳ විශ්වාසය ඇති කරගැනීමත් සඳහා ) ලැබී, ඒ හරහා පරමාදර්ශී සමාජයක් ගොඩනැගීමේ ක්‍රියාවලියට නව ජවයක් එක්වන නිසාවෙනුත්ය.
මෙම පසුබිම තුල රජය සම්බන්ධ, නිවැරදි මාක්ස්වාදී න්‍යායික ස්ථාවරයෙහි සුරක්ෂිතභාවය උදෙසා සහ එය කම්කරු පන්තිය තුල ප්‍රචලිත කිරීම උදෙසා කටයුතු කරන ක්‍රියාවලියක මාක්ස්වාදී ව්‍යාපාරයක් හැටියට අපි නියැලී සිටියෙමු. ප්‍රකට ව්‍යාපාරිකයෙකු වන ධම්මික පෙරේරාට අයත් LB Finance ආයතනය විසින් මුදල් අමාත්‍යංශය විසින් වාර්ෂිකව බදු නිදහස් කිරීම යටතේ වාහන ගෙන්වීම සඳහා නිකුත් කරන බලපත්‍රය යටතේ වාහන ගත් අයට ලීසිං පසුකම් සපයා එම ලීසිං වාරික නොගෙවූ වාහන අත්පත් කර ගත පසු ඒවා වෙනත් පාර්ශවයකට පැවරිය නොහැකි වීම හේතුවෙන් LB Finance ආයතනයට ලක්ෂ 700 ක පමණ පාඩුවක් සිදුවීමට නියමිතව තිබු නිසාවෙන්, එම බලපත්‍රය මගින් ගෙන්වන වාහන, එම බලපත්‍රය නිකුත් කල දින සිට වසර තුනක් යන තෙක් වෙනත් පාර්ශවයකට පැවරීම හෝ විකිණීමට නොහැකි වනසේ පනවා තිබු නීතිය රජය විසින් ඉවත් කරන ලද අවස්ථාවේද, අප නියැලී සිටි, රජය සම්බන්ධ, නිවැරදි මාක්ස්වාදී න්‍යායික ස්ථාවරයෙහි සුරක්ෂිතභාවය උදෙසා සහ එය කම්කරු පන්තිය තුල ප්‍රචලිත කිරීම උදෙසා කටයුතු කරන ක්‍රියාවලියෙහි දිගුවක් ලෙසට එම සිදුවීම ධනපති සමාජයෙහි පවතින රජය යනු ධනපති පන්තියේ වුවමනාවන් සහ අයිතිවාසිකම් වෙනුවෙන් පෙනී සිටින්නකි යන්න සනාථ කරන සිදුවීමක් වග පෙන්වා දුන්නෙමු. දැන් මේ මොහොත වනවිට එම කරුණම නැවතත් සනාථ කරගැනීමට මෙරට ජනතාවට ධනපති පන්තිය නියෝජනය කරමින් නැවත වරක් ධම්මික පෙරේරාත්, ධනපති රාජ්‍ය නියෝජනය කරමින් රාජපක්ෂ ආණ්ඩුව සමග ලොව “විනීතම” හමුදාවත් තවත් උදාහරණයක් සපයා ඇත. ඒ රතුපස්වල සිදුවීමයි. නමුත් කනගාටුවට කරුණ වන්නේ මෙවර සනාථ වීම වේදනාබර මාදිලියේ එකක් වීමයි.
-ප්‍රගාමී ව්‍යාපාරය
No comments:
Post a Comment