මහින්ද රාජපක්ෂ ප්‍රමුක රජයත් ශිරානි බණ්ඩාරනායකත්, පීඩිතයන් මර්ධනය කරන, පීඩකයන්ගේ දේපොළ ආරක්ෂා කරන ඒ හරහා සූරා කෑම සහතික කරන රාජ්‍ය නියෝජනය කරයි. නමුත් අද වන විට එකම ක්‍රියාදාමයක ආකාර දෙකකින් යෙදී සිටි එම දෙපාර්ශවයේ සබඳතාව අර්බුධයට ගොස් ඇත.
මහින්ද රාජපක්ෂ ප්‍රමුක වර්තමාන රජය ධනපති රජයකි. එබැවින් එම ආණ්ඩුවේ සිටින ජනාධිපතිවරයාගේ සිට නගර සභා ප්‍රාදේශීය සභා මන්ත්‍රීවරයා දක්වා එක්කෝ ධනපතියන් නැත්නම් ධනපතියන්ගේ ඍජු නියෝජිතයන්ය. ශිරාණි බණ්ඩාරනායකද ධනපති අවශ්‍යතාව උදෙසා කටයුතු කරන ධනපති නියෝජිතයෙක් වුවද ධනපති පන්තිය ඍජුවම නියෝජනය කරන්නේ විධයකය ප්‍රමුඛ ව්‍යවස්ථාදායකයි. එබැවින් තීරණ ගැනීමේදී ප්‍රමුඛතාව හිමි වන්නේ ඔවුනටයි.
දෝෂාභියෝගයට නිමිත්ත හටගන්නේ එම ප්‍රමුඛතාව ශිරානී බණ්ඩාරනායක උල්ලංගනය කිරීමත් සමගය.
එම නිසා අප විසින් මෙම දෝෂාභියෝගය මූලිකවම හදුනාගත යුත්තේ රජය යනු ධනපති පන්තියේ වුවමනාවන් වෙනුවෙන් ඇති යන්ත්‍රයකි යන්නට නිදසුනක් ලෙසය.
නමුත් මේ හරහා පරමාදර්ශී සමාජයක් ගොඩනැගීම යන කාරණයට බලපෑමක් වේයැයි යමෙකු පැවසුවහොත් එහි සත්‍ය තාවයක් නැත්තේම නොවේ. ඒ, මේ තුල පරමාදර්ශී සමාජයක් බිහිකිරීමට බීජ පැල කල හැකි සරු පසක් වන ප්‍රජාතන්ත්‍රවාදයේ පැවැත්මට වන හානිය නිසාය.
-ප්‍රගාමී ව්‍යාපාරය
No comments:
Post a Comment